Ang Tatlong Utos

Taurus

(April 20-May 20)

Marami kang haharaping pagsubok ngayong taong ito lalo na sa larangan ng pagsasaka. Magiging abala ka sa ibang bagay na baka mapilitan kang isangtabi ang iyong pagiging magsasaka pansamantala. Ang iyong panandaliang pagtigil sa pagsasaka ay isang magandang pagkakataon para ika’y makapagnilay-nilay. Maganda rin itong pagkakataon upang magpakadalubhasa sa iyong pag-aaral, sa sining ng pagsasaka at agrikultura.

Kailangan ng ibayong pagkalinga kung ika’y may kasalukuyang sinasaka. Susubukin ka ng tagtuyot, ng peste, at mga unos, kung kaya’t dapat kang maging handang maging mapagbigay at mapagpasensiya. Sumabay sa mga sakunang darating at sumayaw na tulad ng puno upang malampasan ang mga ito.

Sa mga may kasalukuyang sinasaka, pag-isipan mo munang mabuti kung lalaliman mo pa lalo ang hukay. Maging maingat sa pagtatanim at tiyakin na hindi ka masyadong malalim. Maaaring hindi ito tanggapin agad ng bukiring iyong sinasaka. Kausapin ang lupa. Bulungan ang pananim. Ipaintindi na ang pag-iwas mo sa pagpapalalim ay tanda lamang ng iyong masining na pagpaplano bilang mabuting magsasaka. Patayin ang mga peste ng kanyang pagdududa sa pamamagitan ng sining ng dila.

Humayo ka at magparami.

Sundin ang tatlong utos.

Aries (March 21-April 20)

Magiging abala ang iyong 2013.

Mag-uugat nang malalim ang iyong mga pananim ngayong taon. May pupukaw sa iyong damdamin bilang isang magiting na magsasaka at mababawasan ang mga sandali ng iyong pag-iisa. Kailangan mong labanan ang ingay ng kapaligiran upang makahanap ng katahimikan at kapayapaan nang sa gayon, iyong madalumat ang mga tamang hakbang na dapat mong gawin upang maging matagumpay ang iyong pagsasaka. Matutukso kang labagin ang unang utos ngunit pag-ibayuhin mo ang pagsunod dito. Ito lamang ang magiging tanggulan mo laban sa tiyak na kapahamakan.

Magiging tigang ang iyong lupain sa simula ng taon lalo’t kung nagsisimula ka pa lamang magsaka. Ngunit ang mga itinanim mo na ay lalalim ngunit hindi tiyak kung yayabong. Magkakaroon ka ng maraming pagkakataon na 1) palalimin pa ang iyong pagbubungkal o 2) magkaroon ng panibagong sakahang aararuhin at dito masusubukan ang iyong tiyaga at pasensiya bilang isang mabuting magsasaka.

Habang tumatagal ang taon, lalong magiging banayad ang iyong mga kamay at bukirin na mismo ang magpapasaka sa iyo. Gamitin ito sa tama at sa mabuti.

Tandaan, matigas ang iyong ulo bagamat banayad ang kamay. Paminsan-minsan ay huminahon, payapain ang bugso ng puso, at pairalin ang malumanay na pag-iisip, pagninilay, at matalinong pagpaplano ng irigasyon at pagsasaka.

Humayo ka at magparami.

Sundin ang tatlong utos.

bluishflame1022 asked: supremo; ano po ba ang malupet na sagot sa lupa na: "May gusto ka ba sa akin?" ano ? Wala o ewan o iibahin ko ang usapan tsaka boss ano po ba ang tamang expression ng muka kung tatanongin ka ng ganito at kung sasagot ka ng tamang sagot na sinasaalaalang ang unang utos... help po asap. yohan kyou

Kapanalig na yohan kyou,

Paumanhin at natagalan ang inyong alagad sa pagbibigay ng kasagutan. Pansamantalang naantala ang ating pagninilay-nilay sa mga aral dahil sa mga asikasuhing kamunduhan.

Hinggil sa iyong katanungan, kapag tinanong ka ng “May gusto ka ba sa akin,” simple lang ang dapat mong isagot:

“BAKIT, IKAW, MAY GUSTO KA BA SA AKIN?”

Tapos, halikan mo sabay alis.

Nawa’y nakatulong. Humayo ka at magparami.

Sundin ang Tatlong Utos

seriousrunner asked: Napalalim na po ako. Nung hinugot ko po ito, kahit dinahan-dahan ko po, nung pagbunot po ay may kasama na po itong dugo. Ano na po ang dapat kong gawin?

Kapanalig na seriousrunner,

ang pagbunot ay dapat na biglaan. Mahirap nga iyang ginawa mo. Duduguin talaga ‘yan. Pag dumanak ang dugo sa pagbunot, wala kang ibang pwedeng gawin kundi ipasok ulit para tumigil ang pagdurugo. Pag di na nya nararamdaman ang sakit, saka mo bunutin nang bigla.

Payong kaibigan lang.

Nawa’y nakatulong.

Humayo ka at magparami.

Sundin ang tatlong utos.

seriousrunner asked: 1. Paano kung ang pareho pala kaming nananalig sa tatlong utos (kasama na ang mga ibat-ibang probisyon ng mga utos ex: exit strategy)? Sa kadahilanang ganoon rin ang kaniyang kilos at stratehiya. 2. Kung kapanalig din ba ang taong gusto mong araruhin, maari bang siya na nga ang lupang magbibigay ng kasaganahan sa pang-araw-araw na pamumuhay? 3. Matindi ang pagtakas sa kulungan na matatawag na "Friend Zone". Naway mabigyang pansin ang aking mga katanungan. Mabuhay ang mga magsasaka.

Kapanalig na seriousrunner,

1. Kung pareho kayong nananalig sa tatlong utos, maaaring mapunta kayo sa tinatawag na perpetual loop, i.e. hindi ka aamin, hindi rin siya aamin, kung gayon, walang aminan na magaganap. Huwag mawalan ng pag-asa. Ang perpetual loop ay lumilikha ng friction na magpapainit sa inyong relasyon na maaaring maging sexual tension. Maniwala ka, pinagdaanan ko yan. Isa lang ang paraan ng pagbasag sa perpetual loop—halikan mo bigla.

2. Hindi porke’t kapanalig mo siya, siya na ang makapagbibigay sa iyo ng masaganang ani. Tignan pa rin kung siya ang ang magcocompliment sa iyong pagkatao at kung siya ang magbibigay sa iyo ng kaligayahan.

3. Ano ang tanong?

4. Kailangan mong panoorin ang kapeng barako club: samahan ng mga bitter sa May 29, tuesday. 6pm. Quantum cafe sa makati. Hanapin sa facebook ang detalye. Naroon ang kasagutan sa marami mong tanong.

5. Sundan ang @tatlongutos sa twitter para sa karagdagang payo.

Nawa’y nakatulong.

Humayo ka at magparami.

Sundin ang tatlong utos.

bluishflame1022 asked: Boss.... magandang araw sa inyo, di po ito tanong... nakatagpo ako ng napakagandang bukid.... sa ngayon ay binabakuran ko na para di mapasok ng iba.... boss... nasunod ko ang mga utos mo... nakatulong po ng higit ang sining ng dila no. 4. ang magpa quota... pagkatapos ko syang mapa quota.. umamin na ako sa kanya... at ang naging resulta... na in love po sa akin... marami pong salamat sa gabay kataas-taasan... :)

Kapanalig,

Maraming salamat sa iyong pagtitiwala at pagsunod sa ating mga kautusan. Nawa’y mamunga ang iyong bukiring sinasaka.

Ipalaganap mo sana ang tatlong utos.

Humayo at magparami.

Sundin ang tatlong utos. Amen!

bluishflame1022 asked: Kataas-taasan, Nais ko humingi ng tulong po sa inyo para po sa kaibigan kong naoobsess na sa girl na trip nya... meron po bang paraan upang maalis ang pagka obsess ng kaibigan ko.... nag aalala po kasi ako eh... sobra na sya... lagi na lang nya inaabangan ang status update ng girl sa fb... tapos ang dami nyang nagrab ng photos ng girl siguro mga 100+ na yon... boss help po... ayoko pong makulong ang kaibigan ko sa jail of obsession. mato torture sya don paglipas ng ilang panahon.

kapanalig na bluishflame,

wala ka nang magagawa sa kanya kundi ipangaral ang pangalawang utos. Ilahad sa kanya ang lahat ng halimbawa at aral ng ikalawang utos na nilatag sa ating banal na blog ng mga kasulatan.

Ngunit ngayon pa lamang sinasabi ko na sa iyo na ang taong naoobsess at hindi kayang bumunot ay wala nang pag-asa. Ang tanging pag-asa niya ay ikulong sa seminaryo o itapon sa bundok. Pag-iisa at diskuneksiyon lamang ang tanging gamot sa taong nasadlak na sa pagkaobsess.

Lilipas din yan. Huwag kang masyadong mag-alala para sa kanya. Matatauhan din at mauumpog.

Huwag mo siyang masyadong problemahin…maliban na lamang kung may gusto ka sa kanya.

Ibang usapan yan.

Nawa’y nakatulong.

Humayo ka at magparami.

Sundin ang tatlong utos.

themobiustrip asked: LAGI KA SA KANAN. so, if gusto kong landiin ang isang lalaki dapat manatili ako sa kanan niya? pwede po ba yun?

kapanalig na mobiustrip,

tumpak ka diyan.

humayo at magparami.

sundin ang tatlong utos

bubu0217-deactivated20130402 asked: may tanong po ako... hindi po madalas gawin na ung babae ang magsasabi sa lalaki na gusto nya ito.. pero hmmmm... may gusto po akong isang kaibigan na lalaki, gusto ko pong ipaalam sa kanya na gusto ko siya na hindi susuway sa tatlong utos, pano ang gagawin ko? tenchu!

kapanalig na bubu0217,

maraming paraan upang iparating sa kanya na gusto mo siya habang hindi mo nilalabag ang unang utos. Para sa mga babae, may mga secret code na maaari mong gamitin para iparating sa kanya na gusto mo siya. Ngayon, kung hindi niya na-gets ang secret codes, hindi siya worth it. Ano ang mga iyon.

1. Titigan mo sa mata habang nakikipag-usap sa iyo. Huwag kang bibitaw. Tumitig ka lang. Pag-aralan mo ang kanyang iris. At i-absorb mo lang ang bawat salitang sinasabi niya. Huwag kang titingin sa ibang bahagi ng kanyang mukha. Sa mata lang. At sa isip mo lang sabihin na gusto mo siya. Pag di niya nagets, slow siya.

2. Maya’t-maya mo ayusin ang buhok sa may tainga mo. Ayusin mo lang. Hawiin mo. Para lang ipakita ang kaunting kalandian. Huwag namang sobrang dalas at baka magmukha ka namang banidosa sa kanya dahil suklay ka nang suklay. Panaka-nakang paghawi lang upang ipakita na interesado ka sa kanya.

3. Kapag magkasama kayo, huwag magpakita ng defensive posture. Huwag magkrus ng mga braso. Huwag masyadong nakaatras/nakasandal habang nakaupo. Huwag masyadong “sarado” ang porma ng katawan. Kung sarado man, dapat bahagyang nakaabante, na parang gusto mo siyang lapitan at pakinggan pa. Ipakita mong interesado ka sa kanya sa pamamagitan ng tindig. 

4. Ngumiti habang nakikipag-usap. Huwag ngiting aso. Huwag ngisi. Ngiting may kilig. Obvious yon.

5. Banggitin mo kung gano siya kasarap kausap. (Pero kung totoo lang. Kung hindi, eh bakit yan ang dini-date mo???)

6. Kung may pagkakataon, dakmain mo ang kamay. Pero dapat, “‘di sinasadya.” Tignan mo ang reaksiyon. Pag inalis agad, malaki ang problema mo. Kung masyadong dahan-dahan inalis, mas malaki ang problema mo. Pero kung hindi gumalaw, o kung umibabaw ang kamay niya, pasok ka na.

7. Ikwento mo ang tipo mong lalake. Lahat ng characteristics, kanya. Pag di pa niya nagets, ang tanga nya lang.

8. Madalas mong yayaing magkape nang kayo lang.

9. Sabihin mo, “tayo na lang kasi.”

10. Halikan mo bigla. Sabay alis.

Nawa’y nakatulong.

Humayo ka at magparami. 

Sundin ang tatlong utos.

Earth day pala ngayon. Mga kapanalig, lahat tayo’y dapat magtanim sa araw na ito. #ikatlongutos

@tatlongutos. Para sa pang-araw-araw na pangangailangan ng mga kapanalig.

nojaewalking asked: Sir, anong oras, kelan at saan po yung play niyo na ANO ANG LASA NG PAG-IBIG?

this saturday. 3pm and 6pm. bo’s coffee katipunan. 40 seats only. reserve ka na sa samahanngmgabitter@gmail.com

tinayinbothpoles asked: Supremo, may itatanong lang ako. Ako po ay isang batang ina. Nanganak po ako nung Disyembre. At obviously, binunot ko po yung tinanim ko dun sa ama. Ayoko pa pong umibig ulit pero bukas pa rin ako sa posibilidad. Someday, kumbaga. Ang tanong ko po ay: Kelan po ba dapat yun someday na yun? :|

kapanalig,

tanging ikaw lamang ang makasasagot ng tanong mo na iyan. Ang kahandaan mo ay ididikta ng muling pagkabuo ng puso at muling pagpapatatag ng loob.

Samantala, huwag mong abangan ang araw na iyon. Igugol ang lahat ng panahon at pag-ibig sa iyong bagong supling. Maniwala ka sa akin, sapat na iyan upang mapuno ang puwang sa iyong dibdib. 

Darating siya kung nakatakda siyang dumating. Ngunit sa ngayon ang pag-ibig mo’y sa anak mo lang muna ibaling.

Huwag maatat. Kayang burahin ng ngiti ng iyong anak ang lahat ng lamat sa puso mong nabitak.

Humayo ka at magparami.

Sundin ang tatlong utos.