Ang Tatlong Utos

Anonymous asked: SINING NG DILA: GABAY SA PAGLALANDI -

ako lang ata naghihintay sa paglabas nito eh. :)) - Chillaxer

kapanalig na chillaxer,

paumanhin at medyo natagalan ang paglalathala ng SINING NG DILA: GABAY SA PAGLALANDI. Kasalukuyang abala ang konseho ng mga propeta sa ibang bagay. Ngunit huwag mag-alala, pipilitin naming matapos ito agad.

Saka hassle sa masel yung thesis at papers ko eh. Nakikisabay. Sagabal talaga ang pag-aaral sa pagiging propeta.

Anonymous asked: gusto ko pong mgtanong tungkol sa lalakeng chinechever(interesado) ako. nakilala ko xa sa fb pero my bf pa ako noon.nung single na ako bigla xa ngparamdam at ngyaya lumabas. tapos lumalabas na kami for 4 times in 2weeks. pero akoy sadyang naguguluhan sa nais nyang ipahiwatig sa akin. sinasabi nyang interesado siya. ngunit di siya maxado ngpapakita ng motibo. paminsan minsan lamang. anu po ba ito?

kapanalig,

malaki ang posibilidad na nakatagpo ka ng isang magsasakang bihasa sa mga gintong aral ng tatlong utos. ngunit kaduda-duda ang binanggit mong “sinabi niyang interesado siya.” depende sa pagsabi niya sa iyo, maaaring lumabag siya o hindi sa unang utos. kung nilabag niya ang unang utos, hindi niya alam ang ginagawa niya.

ano ang iyong dapat gawin kapag nakatagpo ka ng bihasang magsasaka?

i-enjoy ang kanyang pagsasaka. huwag mamadaliin. tandaan, ang prutas na hinog sa pilit, mapakla ang lasa. i-enjoy ang laro ng panghuhuli at pagtatago ng motibo.

para sa lubos na pag-eenjoy ng laro, sabayan mo siya, Guluhin mo ang isip niya. Huwag kang magpapahalatang interesado ka, hayaan mo siyang manghula.

Higit sa lahat, sundin mo ang tatlong utos.

Humayo ka at magparami.

Anonymous asked: mahal ko siya, at mahal din daw niya ako. (hindi ako lumabag ng unang utos dahil siya ang unang umamin at 6 na buwan siya nagantay para lang masabi ko na mahal ko rin siya) ngunit magkaiba ang plano namin sa buhay. at balang araw aalis din siya... mga 4 na taon siguro... masmabuti ba na bunutin ko na ito ngayon palang o di kaya ipaubaya na ang future kay batman?

Kapanalig,

Kung ako lamang ang tatanungin, personally, hindi ako naniniwala sa mga long distance relationship. ayon sa “theory of relativity,” mas malayo ang ikot ng isang bagay sa isa pang bagay, mas mababa ang hatak ng gravity nito. Hindi ito magbubunga. Lahat ng bukirin ay kailangang diligan, kung hindi, mamatay ang pananim.

Paano mo didiligan ang isang bukirin kung ang magsasaka’y nasa ibang ibayo?

Ito ay personal na opinyon ko lamang. meron din namang mga long distance relationship na gumagana. Ngunit ito ay nagtatagal lamang sa tindi ng kanilang pag-ibig at dahil na rin sa madalas na pagdidilig kahit sa pamamagitan ng pag-uusap. ngunit iba pa rin ang haplos ng mapag-alagang kamay ng magsasaka.

Kung sa apat na taon na iyon ay hindi niya nakikita ang inyong hinaharap, walang sense ang inyong pagsasaka. Bunutin mo na.

Nawa’y nakatulong.

Humayo ka at magparami.

Sundin ang tatlong utos.

crazyjerkblog asked: Master, maari ka bang magbigay ng halimbawa para sa "Landian ang Dila"? :)) ikinalulugod ko kung ako po ay mapapagbigyan niyo. - Chillaxer

kapanalig na chillaxer,

dahil matagal na rin akong hindi nakapagsusulat ng mga kabanata para sa banal na aklat, pauunlakan ko ang iyong hiling. Bigyan mo ako ng kaunting panahon para sagutin ang iyong katanungan.

Abangan ang “SINING NG DILA: Gabay sa panlalandi.”

Humayo ka at magparami.

Sundin ang tatlong utos.

crazyjerkblog asked: Napakatagal kong nawala, pagbalik ko ulit napakadami ng nagbago. Ako'y lubos na nagagalak. :)) "Balik Kapanalig" - Chillaxer

Kapanalig, ikinagagalak ko rin ang iyong pagbabalik.

Marami na ngang nagbago. At abangan mo ang paglabas ng “Tatlong Utos” drinking-card game. Kasalukuyan itong binubuo ng konseho.

Humayo ka at magparami.

Ipalaganap ang mabuting balita.

Sundin ang Tatlong Utos.

mylifebelikewhoooa asked: hi i was just wondering u speaking taglong? or just regular philipino?

I’m guessing you’re not Filipino? I speak Filipino. Filipino is the term for the language we use and also for the Nationality. Tagalog was the basis for Filipino, meaning, most of “Filipino” is Tagalog but it can borrow from the other languages in the islands. Tagalog also refers to the group of Filipinos who live in the Katagalugan area (coming from the term taga-ilog or in English, settlers by the river).

I write and speak Filipino and English. I prefer using Filipino so that my readers would never forget its usage especially in the age of facebook and social networks. Sometimes, I mix it up a bit, using Taglish so that the younger readers won’t get lost. Some people find it hard to read this blog when it’s written in pure Filipino (tagalog) but I promise you it’s worth it when you learn and master it. Our language is so rich, I hope I can share that wealth with my readers by blogging in my vernacular.

Go forth and multiply.

Follow the three commandments.

ANG SINING NG PAGBUNOT SA FRIEND ZONE (Ikalawang Kabanata)

Ilang mga tala mula sa aklat ni Propetang Ekis…

“Kapag natanto mo nang ika’y nakulong sa “friend zone,” may mga ilang paraan upang makatakas dito. Ngunit iyong tandaan, na higit na epektibo ang pag-iwas. Ang ilang paraan ng pagbunot na nakalahad sa ibaba ay magiging epektibo lang depende sa kalupitan ng magsasaka sa pagsasagawa ng mga tutukuying hakbang: (V.10)

6. Landian ang Dila. Huwag puro emosyon at transcendental na bagay ang pag-usapan ninyo. Baka naman laging problema niya sa buhay at lovelife ang pinag-uusapan ninyo. Baka naman puro tungkol sa philosophy, art, at buhay ang laman ng tsismisan ninyo. Bagamat mahalagang pag-usapan ang mga ito, tandaan na kailangan kilitiin mo ang kanyang isipan para maipasok niya sa kukote niya ang posibilidad na isa kang mahusay na magsasaka. Gamitin ang iyong dila upang basain ang kanyang…imahinasyon. Makipagbiruan nang may landi. Birong maaarin mong bawiin ngunit may sindak na katuwang upang ipakita sa kanya na ika’y isa ring senswal na nilalang at paminsan-minsan, pinagnanasaan mo rin siya.

7. Manatili lagi sa KANAN NIYA. Kung uupo kayo habang kumakain, sa kanan ka umupo. Pag maglalakad kayo, sa kanan ka tumayo. Lagi ka dapat nasa kanan niya. Upang tuwing may sasabihin ka sa kanya, sa kanang tainga niya ito maririnig. Ilapit sa tainga niya ang iyong sasabihin tuwing may kailangang sabihin. Mas madali mo siyang mapaniniwala at mapasusunod sa mga “subliminal” na mensahe mong binubulong kung sa kanan niya ito naririnig. Maniwala ka sa akin. I-google mo na lang ang scientific explanation. Mahirap tagalugin eh.

8. Makinig. Kung lalaki ka, tama na ang maraming satsat at tigilan mo na pagyayabang sa masels mo, sa trabaho mo, sa iba mong chiks at kung anu-anu pang kayabangan. Sa sobrang daldal mo, pinalalampas mo ang mga pagkakataon. Tip sa mga kalalakihan: MAKINIG! Ang lahat ng babae ay may quota na words per day. Pag napaquota mo siya, bubuka ang kanyang…sarili. Tandaan, mas pinabuka mo ang kanyang bibig, mas bubuka ang kanyang…sarili. Sa pagbukas niya ng kanyang sarili, subliminally niyang ibibigay sa iyo ang mga clue kung paano ang dapat mong gawin. Matutong magbasa ng subtext. Wag kang tatanga-tanga.

9. Manood. Tip sa mga kababaihan: MANOOD! Sa sobrang ingay mo at puro sapatos at bag na lang ang pinag-uusapan mo bukod sa iba mong mga lalaki, panoorin mo ang body language ng lalake. Give away ang kanilang body language at doon mo malalaman kung ano ang mga dapat gawin. Kung nakatupi ang kanyang mga braso, hindi gaanong nakaharap sa iyo, hindi nakatingin sa iyong mata habang nag-uusap, sarado siya o kaya’y bored. Hawakan mo at paluin habang nagkukuwentuhan. Paminsan-minsan, ibaba mo ang kanyang tingin, okay lang na hindi nakatingin sa mata mo, basta sayo pa rin nakatingin at hindi sa iba.

10. Magkaingin. Sunugin ang bukirin at biglang mawala. Ang pagkakaingin ay isang uri ng malupitang pagbunot. Kapag ginawa mo ito, ipaalam sa kanya na nais mong baguhin ang inyong relasyon. Tiyak na sasabihin niyang “but I dont want to lose you as a friend…” Eksakto! Mawala ka. Take it or leave it. Kung friends lang ang habol niya sa iyo, manigas siya. At kung importante talaga para sa kanyang lagi kang kasama, kailangan mo talagang mawala para malaman niya kung gaano ka kaimportante. Mamimiss ka niya tiyak. Huwag kang magpapakita agad. Huwag kang magpapaamo. Bumalik ka kapag tiyak mo uhaw na uhaw na siyang makita ka. Sinasabi ko sa iyo, kapag nawala ka nang sobrang tagal, yayapusin ka niya at hahalikan sa muli ninyong pagkikita. 

ANG SINING NG PAGBUNOT MULA SA FRIEND ZONE

Ilang mga tala mula sa aklat ni Propetang Ekis…

“Walang magsasaka ang nasa tamang pag-iisip na magtatangkang magtanim sa lupaing tigang at hindi mataba. Ngunit sa dakong ito, marapat na linawin natin ang ibig sabihin ng salitang tigang. Bagamat ang tigang na lupa ay nangangailangan ng pagdidilig, may uri ng katigangan na iniiwasan ng mga magsasaka. Ang lupaing ito, sa inggles, ay tinatawag na “friend zone” o lupang matabang (hindi mataba).

“Kapag pinasukan mo ang lupang ito at sinumulang sakahin, mahirap na ang makaalis at makalabas. Una, lahat ng itinanim mo dito ay hindi magbubunga. Pangalawa, hindi mo mahuhugot ang iyong kamay kapag ibinaon mo na ito sa lupa. Pangatlo, mapipilitan kang labagin ang tatlong utos para lamang makaalis sa lupaing ito sa pagpipilit na gawin itong isang matabang lupa (lupang nararapat sakahin). Kapag ika’y nasadlak sa lupang ito, halos imposible ang pagtakas.” (V.1)

“Maraming palatandaan kung ang lupang iyong napiling sakahan ay matabang. Hanggat sa maaari, ito ay iwasan. Tulad ng kasabihan sa medisina, mas mainam na lunas ang pag-iwas.” (V.8)

“Kapag natanto mo nang ika’y nakulong sa “friend zone,” may mga ilang paraan upang makatakas dito. Ngunit iyong tandaan, na higit na epektibo ang pag-iwas. Ang ilang paraan ng pagbunot na nakalahad sa ibaba ay magiging epektibo lang depende sa kalupitan ng magsasaka sa pagsasagawa ng mga tutukuying hakbang:

1. Sundin ang UNANG UTOS. Tandaan na ang Unang Utos ay isa sa tatlong “cardinal rules” na mabisang unang hakbang sa pagbunot mula sa lupang matabang. Kadalasang nilalabag ng mga nakukulong sa “friend zone” ang unang utos dahil sa tingin nila’y ito na lamang ang paraan. Sa pelikulang filipino lamang nangyayari na pareho siya ng nararamdaman para sa iyo kung nasa “Friend zone” ka na. Sundin ang Unang Utos. Sa gayon, hindi mo nilalagyan ng kategorya ang sarili mo, hindi mo binabansagang friend ang iyong sarili, at malilito siya sa iyong binabalak.

2. Sundin ang IKALAWANG UTOS. Mas mahirap ang aplikasyon ng ikalawang utos sa sitwasyong ito. Sa pagkakataong ito, ang pagbunot ay pagsiguradong alam niya na HINDI MO SIYA KAILANGAN. Maging abala sa pagpapakadalubhasa ng sarili. Taasan mo ang sariling value. At maging MAHIRAP HAGILAPIN. Huwag maging laging available. Huwag sagutin ang mga text at tawag niya. Ipaalam mo sa kanyang marami kang MAS IMPORTANTENG GINAGAWA kaysa kausapin siya o makipagharutan sa kanya.

3. Magsaka sa ibang bukirin. Ipakita mo sa kanya na marami kang sinasakang bukid nang SABAY-SABAY. Ipaunawa mo sa kanya na hindi ka basta-basta namimili ng BUKIRIN. Mataas ang standards mo. At ipadama mo sa kanya na hindi ka sigurado kung pasok ba siya sa standards mo o hindi. Kung wala siyang alam sa music, sabihin mo sa kanyang mas malakas ang appeal sa iyo ng babae/lalakeng musically inclined. Kung hindi siya sporty, sabihin mo sa kanyang mahilig ka sa fit at aktibo. Itaas ang standards, siya ang hahabol sa standards mo.

4. Tulinan ang iyong kamay. Lagi mo na lamang siyang hinahawakan pero tuwing tumatawid lang kayo ng kalsada o kaya’y pag magsisimba kayo at kakanta ng “Ama namin.” Aba’y bilis-bilisan mo naman ang iyong mga kamay. Hinulma ng Diyos ang braso ng lalake sa balikat ng babae. Tandaan iyan. Sa mga pagkakataong nasa madidilim na sulok kayo, ipaalam mo sa kanyang katawan na nariyan ang iyong mga bisig upang maging…proteksiyon sa mga kampon ng dilim. Dakmain mo agad, bago makalipad. Ngunit tandaan ang babala: HUWAG MAGING MANYAKIS. May tamang paraan ng paghawak nang hindi manyak ang dating. Dapat ay marahan at banayad, tulad ng isang ekspertong magsasaka na nagtatanim ng punla sa lupa.

5. Huwag maging “Harmless.” Ang mga taong nakakulong sa “friend zone” ay mga “harmless” na tao. Hindi sila “threatening” dahil wala silang motibong ipinapakita. Bagamat dapat mong sundin ang UNANG UTOS upang hindi ipaalam ang iyong motibo, dapat mo pa rin siyang lituhin at ipaisip sa kanya na malaki ang posibilidad na mayroon kang maitim na balak. Tandaan ang paalala sa naunang payo: HUWAG MAGING MANYAKIS. Ang maitim na balak ay hindi kamanyakan kundi ang potensiyal lamang na ipakita na isa kang mapusok na mandirigma at makisig na magsasaka. Ilantad ang iyong kapusukan at taglay na sensualidad. Higit sa lahat, ipakita mo sa kanyang hindi niya ito basta-basta makukuha. (V.10)

itutuloy…

Anonymous asked: ndi ko pa msyadong maintindihan ang tatlong utos. saan ko po ito maaring basahin para lubusang maunawaan. marami po ksing pagkakataon na hindi ako makarelate. salamat po

Kapanalig,

Para sa mas madaling pag-unawa, simulan mong basahin ang blog na ito simula sa Mayo ng 2010 (Malapit na pala tayong mag 1-year, mga kapanalig!).

Ngunit para hindi ka masyadong mahirapan, narito ang paliwanag sa

Unang Utos

Ikalawang Utos

at Ikatlong Utos.

Tapos, ituloy mo lang ang pagbabackread para sa sangkatutak na halimbawa para ika’y maliwanagan.

Maaari ka ring magtanong sa iba pang kapanalig sa facebook.

Nawa’y nakatulong.

Humayo ka at magparami.

Sundin ang tatlong utos.

Anonymous asked: Master, hindi ko po alam kung natanong na ito. Ang haba na po ng nabackread ko ngunit hindi ko po ito matagpuan. Paano po ba malalaman kung nasa "friend zone" ka na? Paano kapag kaya ka na niyang pagtripan ng green jokes? At may paraan pa po ba upang makaalis dito? Maraming salamat po.

- Trina

Kapanalig na Trina,

Importante ang tanong mo dahil marami ang nagkakamaling pumasok sa “friend zone”. Paalala, HINDI MALI ANG PUMASOK SA FRIEND ZONE. Sa katunayan, dapat kang pumasok dito. NGUNIT! Tandaan, na may NGUNIT na madalas makalimutan. Ang friend zone ay pinapasok lamang PAGKATAPOS MAGTANIM.

Ano ang ibig sabihin nito?

Kapag pumasok ka agad sa Friend Zone, hindi ka na makakalabas, at habambuhay ka na niyang makikita bilang “Friend” at wala nang iba. Kung nais mong mapasaiyo ang lupain para sakahin, dapat 1) malinaw sa kanya ang iyong intensyon sa simula pa lang na ayaw mong maging “just friends” nang hindi tahasang umaamin, o 2) hindi siya sigurado at nalilito siya kung ano ang gusto mong mangyari. Mas epektibo ang pangalawa.

Kapag umamin na siya, at nasa loob na kayo ng relasyon, doon ninyo dapat pasukin ang friend zone. Tandaan lamang na kapag sabay ninyong pinasukan ang friend zone habang kayo ay nasa loob ng relasyon, malaki ang posibilidad na sa altar na ang hantungan ninyo.

Ngayon, upang sagutin ang tanong mo, paano malalaman kung nasa friend zone ka na? Ano ang mga palatandaan ng “friend zone” na ayaw nating pasukin, meaning, yung “Friend zone” na nauna.

Narito ang ilang mga palatandaan:

1. Tinatawag ka niyang “ate,” “kuya,” o kung anumang term of endearment na nababagay lamang sa kamag-anak. Nasa friend zone ka rin kung tinatawag kang “best,” “tol,” “tsong,” at “pare.”

2. Ikaw lagi ang second choice niya pag gigimik siya at wala yung nililigawan niya (o nanliligaw sa kanya). O di kaya, first choice ka sa lahat ng lakad niya kasi single siya. Kumbaga, ikaw ang defacto date.

3. Hanggang hug ka lang, at occassional na beso. (Mas malala kung sa noo ka niya hinahalikan…parati!)

4. Hinahawakan lang niya ang kamay mo kapag tumatawid kayo ng kalsada (o nagpapahawak lang siya ng kamay kapag tumatawid kayo ng kalsada).

5. Kilala na niya ang buong pamilya mo (or kilala mo na ang buong pamilya niya) at kilala ka nila (or kilala siya ng pamilya mo) bilang kabarkada (o family friend).

6. Parati ka niyang hinihingan ng love advice.

7. Sa’yo sha lagi nagpapaayos ng laptop, computer, TV, kubeta, lababo, etc. Ang kapalit lang no’n ay isang mahigpit na hug at konting miryenda.

8. Lagi kang available. (dahil sobra na siyang needy)

9. Lagi kang nagvovolunteer magbayad ng shits niya, at hindi ka niya pinipigilan. Dumating na rin ang point na hindi na siya nag-ooffer dahil alam na niyang automatic na sayo’ng ikaw ang sasagot.

10. Never pa kayong nag-dinner na kayong dalawa lang. Puro lunch lang at breakfast. Kung umoo man siya sa dinner, laging may niyayaya siyang third wheel.

Ito ang ilan sa mga senyales na nasa friend zone ka na. Iwasan ang mga ito hanggat maaari. Common knowledge na kapag nakapasok ka sa friend zone, halos imposible nang makalabas dito. Kung kaya, ang pinakamalupit na solusyon ay umiwas sa zone na ito.

Paano ka makakaalis sa zone na ito? Abangan sa susunod na entry: Gabay sa Pagbunot mula sa “Friend Zone.”

Naway nakatulong.

Humayo ka at magparami.

Sundin ang tatlong utos.

PS. Depende sa green joke na hinirit sa iyo, may pag-asang wala pa sa “friend zone” kung swabe ang pagkakahirit ng joke.

Tag-araw na naman. Panahon na naman ng pagtatampisaw sa mga bitch…este, beach. So mga kapanalig, bago kayo lumusong sa inyong mga biyts, tignan muna ang inyong kapalaran para sa mas masigabong pagtatanim ngayong summer.

(Ang prediksiyong ito ay hanggang mayo lamang ngayong taon)

ARIES (March 21-April 19)

Dahil tag-init, maraming mga tuyong lupain na nangangailangan ng pagdidilig, pagsasaka, at pag-aalaga. Maraming bukirin ang naghihintay sa iyo ngayong summer. Nariyan lang sa paligid-ligid, naghihintay ng iyong mapag-arugang kamay.

Huwag maging masyadong excited. Huwag magmadali. Magfocus ka muna sa mga kailangan mong tapusin. Hindi aalis ang mga bukirin na iyan. Hayaan silang mag-init sa ilalim ng araw. At kapag natapos mo na ang mga kailangan mong tapusin, huwag mag-atubiling magsaka nang may pagmamahal.

Huwag mapapaso sa init ng lupa. Mag-ingat dahil ika’y pala-bunot. Hayaan munang tumaba ang lupa at maging hinog ang pananim bago lumipat sa ibang bukiring sasakahin. Pagdating ng tag-ulan, hindi mo na kailangang bantayan ang bukirin. Kusa itong yayabong at ang kailangan mong paghandaan ay ang panahon ng tag-ani.

TAURUS (April 20-May 20)

Masyado kang nagtitiyaga diyan sa bukiring sinasaka mo. Hindi mo napapansing hindi mataba ang lupa at walang mapapala sa pagtitiyaga sa isang bagay na napilitan ka lang. Sundin ang sinasabi ng iyong puso. Bunutin mo na at maghanap ng mas kaaya-ayang lupa na maaaring sakahin.

Masyado ka ring obsessed sa kung anumang ginagawa mo. Kailangan mong bigyan ng panahon ang sarili. Pag-ibayuhin ang pagpapaunlad sa sarili ngunit huwag kalimutan ang obligasyong magsaka…sa tama at nararapat na lupain. Maraming iba diyan, bumunot ka na. O di kaya, baka hindi mo lang alam, may magsasakang nais magsaka sa iyong lupain. I-entertain at bigyan ng pagkakataon. Baka siya ang matagal mo nang hinihintay. Ang tag-ula’y minsan ding bumubuhos sa mayo. Tanggapin ito nang maluwalhati at huwag isara ang puso.

GEMINI (May 21-June 20) 

Bakasyon na at maraming nagyayaya sa iyong mamundok o magbiyts. Pareho silang dapat mong sakupin. Tandaan, may luwalhating matatamo sa pagakyat sa tuktok at rurok ng matatambok na bundok, at mayroon ding kaligayahan sa pagsisid sa kaila-ilaliman ng biyts. Huwag malito. Pwede mong pasukin pareho.

Ang summer na ito ay hitik para sa iyo upang mag-ari ng maraming lupain. Tiyakin lang na handa ang iyong mga resources para madiligan ang lahat ng ito. Huwag mag-alala. May talento ka sa pananalita at pakikihalubilo. Hindi ka mauubusan ng charms.

Muli, isa kang unpredictable na nilalang. Gamitin ito sa iyong advantage.

CANCER (June 21-July 22)

Nakamove on ka na ba? Summer na. Maraming tigang at naghahanap na mabasa. Lumabas ka sa iyong lungga at magtampisaw sa tubig. Makihalubilo sa mga kapanalig na nagpapakaligalig sa mga biyts. Huwag mag-alinlangan dahil sa mga dinadala mong sugat ng nakaraan. Diyos ko, antagal na niyan. Get over it. Move on. Maraming kuneho sa biyts ngayon. Kahit sila, gustong mabasa.

Alam ko, maaalala mo ang mga nakaraang pagbibiyts ninyo. Magfocus sa paglikha ng mga bagong alaala. At huwag kalimutan, sundin ang tatlong utos. Nilabag mo ito kaya ka nagmumukmok ngayon.

LEO (July 23-August 22)

Ang summer ay panahon ng pagpapalaganap ng mabuting balita. Kaya dapat kang lumabas at magpakapropeta. Katulad ni Aries, hindi mo kailangang maghanap. Sa katunayan, wala ka masyadong pakialam sa pagsasaka dahil masyado kang masaya sa iba mong ginagawa. Pero maawa ka naman sa mga taong nakapila na naghihintay na sakahin mo. Diligan mo naman ang mga lupain nilang natutuyo na.

Maghanap ka ng problema. Masyado nang masaya ang buhay mo. Subukan mong guluhin ang lovelife mo para may kaunting excitement. Hindi ito makaaapekto sa pagsunod sa iyo ng mga tao at sa iyong pagiging propeta.

VIRGO (August 23-September 22)

Bakit ka balot na balot pag pumupunta ka sa biyts? Takot ka bang masakahan? O takot kang magsaka? Live a little. Tikman ang tubig dagat. Makabubuti iyan sa iyong libido.

Isa pa, ang tubig alat ay nakagagamot ng mga sugat sa puso. Panahon ito para maghilom.

Maraming naghihintay sa iyong magladlad. Hubarin na ‘yang baro’t saya mo at magpalit ng bikini. Ipakita mong handa ka nang magtampisaw. (Kung lalaki ka, magtrunks ka na at mukha kang tanga sa biyts, nakamaong ka pa!)

LIBRA (September 23-October 22)

Masyado kang nag-iisip. Ngayong tag-init, hindi masyadong magandang ideya na magtiwala sa isip. Dahil ang init ay nakakadagdag sa mga hallucinations mo. Masyado mong sinusunod ang tatlong utos na para bang isa itong batas. Huwag masyadong maging strict sa sarili. Ang summer ay nariyan para i-enjoy. Huwag masyadong mag-isip.

Isa ka pa, maghanap ka na ng problema sa love life. Boring na ang buhay mo. Sukang-suka ka na sa ginagawa mo pero nagtitiyaga ka diyan. Kelangan mong magpalamig sa biyts.

Isa pa, malupit kang appreciator ng beauty. Tulungan mo si Aries at si Leo na mamili sa mga nakapaligid sa kanila. Dahil nakakulong sila sa ginagawa nila, kailangan ka nila para ituro sa kanila ang beauty ng daigdig…at kung aling bukirin ang dapat sakahan.

SCORPIO (October 23-November 21)

Ilang beses mo nang nilabag ang unang utos? At ilang ulit mo na ring sinabing hindi mo na ito uulitin? Mag-ingat dahil ito ang magiging dahilan ng iyong pagkaipit. 

Mainit na naman ang panahon at lalo ka pang mag-iinit. Mag-ingat sa pagtatanim dahil baka bigla na lang gubat at umusbong diyan sa lupaing tinataniman mo. Mapipilitan kang pagharian ang gubat na iyan nang wala sa plano. Wala namang masama, basta ba handa ka na.

Pigilan ang sarili paminsan-minsan. Huwag masyadong excited. Pag padalos-dalos ka, mapapariwara ang buhay mo. Makuntento kung ika’y may isang bukid nang sinasakahan.

SAGITTARIUS (November 22-December 23)

Masyado kang nakakulong sa siyudad. Subukan mong lumabas ngayong summer. Maraming biyts. Sisirin mo. Maraming gubat, pasukin mo! Bagamat eksperto ka sa tatlong utos, hindi mo ito naaapply dahil masyado nang matagal kang na-stuck sa sibilisasyon. Maglagalag! Tuklasin ang daigdig! Maraming tagong bukirin ang hindi pa natutuklasan! Tulungan ang mga kapanalig na mahanap ang mga ito dahil ika’y may likas na talento ng panunuklas. 

Maniwala ka, mahahanap mo yang hot Eurasian mo, kung lalawakan mo ang iyong paglalakbay.

 CAPRICORN (December 22-January 21)

Nagdududa ka na kung tama bang sinusunod mo ang unang utos. Dahil kahit anong gawin nila, hindi ka umaamin. Kaso, parang hindi umuusad ang inyong pagsasaka. Tandaan, hindi ibig sabihin ng pagsunod sa unang utos, hindi mo na pwedeng ipadama sa kanya ang iyong nararamdaman. Huwag ipaalam. Ipadama!

Summer na. Ngumiti ka naman. Masyado kang brooding. Mag-enjoy ka naman. Try mo mag-biyts. Ibang klaseng kaligayahan. Huwag mahiyang mag-smile kung talagang natutuwa ka. Magugulat siya sa smile mo at bigla na lang siyang mabibighani sa’yo.

AQUARIUS (January 20-February 18)

Isa kang pantas at ngayong summer, matutuyo ang lahat ng balon. Balon mo lamang ang hindi mauubusan. Tipirin ang karunungan at ang karisma dahil kakailanganin ito ng iyong mga kaibigan. Huwag maging madamot. Magbigay ng payo, ng karunungan, at kung ano pang kailangan nila sa kanilang pagtatanim. Ngayong tuyo lahat ng irigasyon, balon mo ang tanging pag-asa ng iyong mga kaibigan.

Itong summer din ang pinaka-okay para mag-explore ng bagong art, at bagong summer fling.

PISCES (February 19-March 20)

Lalabas ang pagkabaliw mo ngayon sobra na ang init. Hindi na mapipigilan ang pagiging sira-ulo mo. Pakawalan mo ‘yan. Maraming maiintriga sa iyo at lalapit. Ngunit mag-ingat dahil ngayong tag-init, maraming tuyot at maraming tigang. Maraming magmamakaawa sa iyo. Huwag pumatol dahil sa awa. At huwag madala. Tandaan, madali kang ma-emotional blackmail dahil masyado kang mabait.

Magbabad sa biyts. Dahil doon, safe ka. Napapalibutan ka ng lakas at kapangyarihan sa ilalim ng tubig. Doon mo mahahanap ang matagal mo nang hinihintay.

I-enjoy ang tag-init, mga kapanalig. Huwag kalimutang maglagay ng sun-block at magshades para hindi halata kung saan ka nakatingin.

Higit sa lahat,

Humayo kayo at magparami.

Sundin ang Tatlong Utos!

Anonymous asked: Kataas-taasan,

Uso pa ba ang mga love letters ngayon? May mga nagawa kasi akong mga sablay o nakakaturn-off (e.g. pag-amin, too much attention, etc.) sa aking nililiwagan. Gusto kong magsorry. Mahigit isang buwan nang walang pakiramdaman at komunikasyon mainly because ayaw nya na akong kausapin o pansinin. Sa tingin nyo po ba na thru that letter (or if you can suggest any move), mabibigyan akong chance na magpursige sa kanya? O mas maganda na ipapaalam ko na bubunutin ko na dahil masyado na akong malalim sa kanya?

Pasensya na't naguguluhan ako. Pero sana matulungan nyo po ako. Gusto ko pong sumama sa inyo sa UTOS CON, kaso hindi ako pwede.

Maraming salamat ginoo.

Kapanalig,

Oo, uso pa ang mga love letters ngayon. Hindi ito nawawala sa uso. Pero nasa paggamit ito. Isa pa, kailangang malupit kang gumawa nang love letter. Gumawa ka ng love letter na malupit nang hindi mo talaga inaamin sa kanya kung ano ang nararamdaman mo. Maaari kang umamin doon nang hindi mo nilalabag ang Unang Utos. Narito ang sampol.

Patungkol sa iyong sitwasyon, ayon sa iyong liham, ika’y masyado nang malalim. Naiilang na siya sa iyo kaya siya lumalayo. Huwag na huwag kang magso-sorry. Ang pagso-sorry (sa iyong sitwasyon) ay paglabag sa unang utos. Dahil masyado ka nang malalim, alam mo na ang kailangan mong gawin.

Huwag na huwag mong sasabihin sa kanya na bubunot ka na. Ang pagbunot ay hindi ipinagpapaalam. Sinasabi mo ba sa lupang tinataniman na aalisin mo na ang iyong kamay? Para sa karagdagang gabay sa pagbunot at pagtatanim, basahin ang ilang talata tungkol sa sining ng pagbunot.

Eto ang sa tingin kong dapat mong gawin:

1. Huwag mo siyang pansinin.

2. Magpakalupit sa kung anumang bagay na magaling ka.

3. Manlandi ka ng maraming babae. Lahat landiin mo, maliban sa kanya.

Kapag hindi pa siya namatay sa inggit, ewan ko na lang.

Nawa’y nakatulong.

Humayo ka at magparami.

Sundin ang tatlong utos.